ÚLTIMO DÍA DE TRIMESTRE

O venres rematamos o primeiro trimestre e celebrámolo dun xeito moi divertido. A ANPA organizou un chocolate con biscoitos moi rico e logo tivemos a actuación do mago Dani García. Pasámolo xenial e despedímonos dos nosos compañeiros e compañeiras ata a volta do nadal.

Os alumnos e alumnas de terceiro desexámosvos a todos unhas FELICES FESTAS E UN BO ANO 2015.

EXCURSIÓN A SANTIAGO

O xoves fixemos unha nova excursión a Santiago de Compostela e a verdade é que visitamos un montón de cousas.

MENÚ SORPRESA FIN DE TRIMESTRE

OBRADOIRO CON DON MANOLO

Don Manolo, o mestre que se xubilou o curso pasado, visitounos hoxe no cole e fíxoo para amosarnos a importancia das árbores na natureza. Con el descubrimos un montón de cousas que non coñecíamos.

Aquí tedes algunhas das fotos:

VISITA DOS PAXES REAIS

Onte viñeron os paxes reais a buscar as cartas que lles escribimos aos Reis Magos. Todos lles contamos como nos portamos este ano e o moito que traballamos. Algunhas das cousas que lles pedimos foron: contos, xoguetes, bonecas, un can, etc.

Tamén lles aseguramos que o vindeiro ano continuaremos traballando así e incluso un pouquiño máis.

PRIMEIRO DÍA DE MENÚ SORPRESA

Hoxe venres, día 12 de decembro, tivo lugar o primeiro menú sorpresa deseñado polos alumnos e alumnas de 3º da Educación Primaria. Na hora de ler, fomos ao comedor a preparar e decorar as mesas coas servilletas dentro dos vasos. Quedaron moi chulas!!!

Xa á hora de comer, o menú foi todo un éxito: PIZZAAAA!!!

DESPEDIDA DE CRISTINA

Hoxe despedimos a profe Cristina, que nos acompañou durante un mes na aula. Desexámoslle unha feliz volta á universidade e que axiña nos veña visitar. 

TEATRO EN INFANTIL

Os nenos e nenas de catro e cinco anos representáronnos unha pequena obra de títeres sobre o magosto e as castañas. Estivo moi entretida e pasámolo xenial.

VISITA AO COMEDOR E Á COCIÑA

Hoxe coñecemos un pouquiño máis o funcionamento do comedor e da cociña do colexio. Merchi e Mercedes explicáronnos moitas das cousas que fan no seu traballo diario. Aprendemos a situar os cubertos na mesa, a posición das copas e do pan, coñecemos algúns dos utensilios e aparellos que se empregan na cociña...

OBRADOIRO DE CHUCHES

Continuamos traballando a alimentación e onte tivemos unha visita moi agradable: a mamá de Antón Figueroa ensinounos a facer chuches de froitas.

Aquí tedes unha pequena presentación.

CAMPO A TRAVÉS EN NEGREIRA

Hoxe foi unha mañá moi especial xa que asistimos á nosa primeira carreira de campo a través en Negreira. Primeiro correron as nenas e logo foron os nenos. Todos o fixemos xenial e incluso o noso compañeiro Abel gañou na súa categoría. Pero bueno, como no deporte "o importante non é gañar, senón participar" todos o pasamos xenial. Tamén tivemos tempo para xogar, merendar, animar ao resto dos compañeiros do cole... 

EXCURSIÓN A SANTIAGO

A continuación podedes ver un pouquiño o que foi a excursión de hoxe a Santiago de Compostela e o ben que o pasamos:

En primeiro lugar visitamos o mercado de Abastos, onde vimos todo tipo de productos naturais: froitas, verduras, hortalizas, legumes, carnes e sobre todo... MARISCOS!!!

Aprendemos a diferenciar o boi, da centola e das nécoras. Vimos vieiras, cigalas, ameixas, mexillóns, berberechos, zamburiñas...

Logo, desprazámonos á praza da Quintana, onde visitamos a Porta Santa, unha azibechería, vimos o convento das monxas, a torre do reloxo, etc.

A continuación visitamos a exposición de ABANCA, con cadros de pintores tan importantes como Picasso, Dalí, Miró... e onde aprendemos a diferenciar un cadro cubista dun expresionista. Rematamos a visita con un pequeno obradoiro de esculturas.

Unha vez rematada a visita á exposición desprazámonos á Alameda de Santiago onde aproveitamos a ocasión para merendar e sacar unha foto coas famosas "Marías".

Antes de coller o autobús de regreso ao cole, tivemos tempo para xogar un pouco e observar os patos, cisnes, pombas e outras especies que había na Alameda.
QUE BEN O PASAMOS!!!

ESTRENAMOS OS ORDENADORES ABALAR EN 3º

Hoxe empregamos en terceiro os ordenadores ABALAR de sexto por primeira vez. Aquí tedes algunhas fotos...

VISITA DE ÁNGELES Á AULA

Hoxe visitounos Ángeles, a mamá de Paula e fíxoo para explicarnos como é o seu día a día no traballo. Durante toda unha hora, amosounos as diferentes seccións do super no que traballa, a vestimenta que empregan os distintos empregados, algunhas estratexias de Marketing...

Como agradecemento, agasallámola con unha caixa de bombóns e cunha pequena carta adicada por tod@s. MOITAS GRAZAS!!!

OS PETRÓGLIFOS

En plástica levamos uns días preparando uns petróglifos moi chulos con Marinha e con Noe.

Aquí tedes algunhas fotos...

CELEBRAMOS O MAGOSTO NO COLE

Este venres festexamos a conmemoración do magosto no cole e fixémolo comendo castañas e con xogos populares. O día anterior, o profesor Pepe amosounos e explicounos algúns dos instrumentos musicais da exposición que temos no cole.

VISITA Á CLASE DE MANOLA

Este venres visitamos a clase da profe Manola para agradecerlle os agasallos que nos fixo. Toda a clase lle regalamos unhas dedicatorias como agradecemento.

COMEZAMOS CO PROXECTO "A ALIMENTACIÓN E A SAÚDE"

Logo de analizar, a semana pasada, aquelas cousas que sabíamos e as que queremos saber sobre a alimentación, hoxe comezamos co proxecto. 

Fixémolo vendo aqueles alimentos que pensamos son máis saudables e os que non o son. Con folletos do super, recortamos e pegamos nunha folla os saudables e noutra parte os menos saudables.

Aquí tedes algunhas fotos.

 

ESTRENAMOS LAPICEIROS

Hoxe recibimos un agasallo especial na aula. A profe Manola regalounos a cada un lapiceiro no que colocar os bolis, lápises e gomas. MOITAS GRAZAS!!!

PREPÁRASE O MAGOSTO NO COLE

Queda pouquiño para comezar coa celebración do magosto e no cole xa nos estamos a preparar... Como podedes ver, a exposición de instrumentos musicais e xogos tradicionais xa se pode visitar. 

PREMIO NÓBEL DA PAZ 2014

Na asignatura de valores traballamos un pouco sobre o Premio Nóbel da Paz. Este ano, os gañadores foron Kailash e Malala, dúas persoas que se preocuparon por defender os dereitos dos nenos e das nenas. Kailash consigueu que máis de 80.000 nenos e nenas deixaran de traballar para poder ir á escolar e Malala, arriscou a súa vida para defender o dereito das nenas a ir á escolar. Aquí tedes o traballo que fixemos e que logo lle expuxemos ao resto dos compañeir@s.

PRESENTACIÓN DO SAMAÍN

SAMAÍN 3º - Movie Maker

OS NÚMEROS ROMANOS

Na clase clase levamos uns días traballando os números romanos.
Algunhas das actividades que fixemos son:
- Poñer a data no encerado en números romanos.
- Escribir a data no noso caderno todos os días en números romanos.
- Practicar (contar, escribir...) os números romanos ata o 39.
- Realizar os números con plastilina e con palillos.
- Outras actividades co libro e co caderno.

CELEBRAMOS O SAMAÍN

Esta semana estamos celebrando o Samaín, tradición galega de tempos dos celtas. Na clase pintamos cabazas, inventamos contos de medo, decoramos a porta e a aula...

No cole será mañá xoves o gran día, no cal faremos distintas actividades logo do recreo xunto co resto dos compañeiros e compañeiras do colexio. XA VEREDES QUE BEN O PASAMOS!!!

O ESQUELETO HUMANO

O ESQUELETO HUMANO - Movie Maker

TRABALLAMOS CON MAPAS

En Ciencias Sociais estamos traballando e aprendendo a utilidade dos distintos tipos de mapas e planos. Por esa razón, hoxe en informática familiarizámonos co uso de distintas aplicacións:

- GOOGLE MAPS: https://www.google.com/maps
- METEOGALICIA: http://www.meteogalicia.es/web/index.action
- AEMET: http://www.aemet.es/es/portada 

APRENDEMOS ÉUSCARO

Hoxe en Lingua Galega aprendemos algúns idiomas que se falan en España e no resto do mundo. A profesora Arantzazu (que é do País Vasco) veu á nosa clase e ensinounos unhas poucas palabras en vasco (ou éuscaro).

- KAIXO significa "ola".

- AGUAR significa "adeus" e "ola".

- NIV JAI DUT significa "teño fame".

- EGUN ON significa "bos días"

- ARRATZALDE ON significa "boas tardes"

- GABON significa "boas noites"

Don Benito ensinounos algunhas palabras do Esperanto, un idioma inventado.

OS NOSOS PRIMEIROS CONTOS

Hoxe, en lingua galega, inventamos o primeiro conto do curso. O primeiro que fixemos foi elixir a temática do conto e por maioría saiu os animais. A continuación decidimos o título do conto: "O ANIMAL MISTERIOSO".

COMEZA O OUTONO

Hoxe, día 23 de setembro, comezou unha nova estación ás 04:29 da madrugada: o outono.

Aproveitando que estamos traballando sobre o Sistema Solar en Ciencias Sociais, descubrimos que o movemento de translación da Terra é o responsable das catro estacións que temos: primavera, verán, outono e inverno.

BENVIDOS AO NOVO CURSO ESCOLAR!!!

Unha vez rematadas as vacacións de verán, toca de novo poñernos as pilas e voltar ao traballo.